Indicaron que quizás sea «una represalia» por lo que ocurre con los venezolanos en la isla caribeña.
Según reseñó el diario NoticiasCla, los integrantes de una familia de arubianos viajaron a Venezuela encontraron trabas durante su arribo al país y se quejaron de “malos tratos”.
El medio expresó que estas personas precisaron que los trataron de “forma denigrante” cuando llegaron a Venezuela.
Asimismo, indicaron que quizás sea “una represalia” por lo que ocurre con los venezolanos en la isla caribeña.
Esta familia describió los periplos que pasó para abordar el avión en la isla y denunció la “mala” atención por parte de los trabajadores de la aerolínea.
Además, ya en Venezuela, no acabaron los inconvenientes para los esta, al contrario, incrementaron cuando una oficial de inmigración al ver los pasaportes de los arubianos comenzó a cuestionarlos y retenerles los documentos.
Pasaheronan di Aruba biahando pa Venezuela, ta encontrando problema awor, for di momento cu nan yega aeropuerto na Aruba te ora cu nan yega Venezuela. De hecho, ora cu nan yega Venezuela, tin ta wordo trata di un forma denigrante. Y for di experiencia di un famia specifico, tin indicacion cu esaki ta un forma di ‘represaya’ di con Venezolanonan ta wordo trata na Aruba ora cu nan yega. De hecho, e famia aki a wordo informa di esey tambe na un aeropuerto na Venezuela.
ODISEA NA AEROPUERTO DI ARUBA CABA
Den un caso particular (un caso di un famia cu a biaha di Aruba pa Valencia), nan experiencia, tabata tur cos menos placentero. For di momento cu nan a yega aeropuerto (2 ora prome cu buelo sali), tabatin problema. E famia a yega aeropuerto y a nota cu e avion (Laser Airlines), tabata poni pa sali for di Aruba pa 12:30 di merdia. “E avion mes a yega Aruba 11:30(am), pero e pasaheronan mester a warda por lo menos mei ora extra den avion, pasobra pasaheronan mester a paga nan 10 dollar di tax”. Pero segun e famia, ainda nan no por a aborda, pasobra e pasaheronan cu a yega cu e avion, ainda tabata den proceso di ‘drenta Aruba via imigracion’. “Mester a warda te ora cu imigracion termina cu registra e pasaheronan (en caso mester manda pasahero bek cu no a cumpli cu nan documentacion)”. Esey a causa tardansa cu a cuminsa board te despues di 1:30 pm, siendo cu ta 12:30 pm e avion ta poni pa sali segun schedule. “Finalmente e buelo a lanta 2:13 pm”, e familiar a sigui splica noticiaCla.com.
NA VENEZUELA COS A SIGUI PIO
Despues di un buelo di 37 minuut, e avion a yega Valencia. “Eynan e problema mes a cuminsa”. Ora a yega Valencia a resulta cu den avion no a parti e formulario pa salud cu mester a wordo yena. “Despues di para den un fila nos a yega na turno pa pasa na imigracion. Pero cu e mucha muher oficial di imigracion a ripara cu mi ta di Aruba, su cara a cambia y cuminsa cuestiona”. Pa mala suerte di e famia, e e reservacion di hotel cu nan tabatin, ta den e celular y e cel a paga y e charger tabata den maleta. “E ora e mucha muher a bisa mi cu mi mester tin e reservacion por escrito y cu mi ticket di bolbe. Mi a bise cu e ta den mi cel cu si mi haya un charger mi por mustr’e, pasobra e ticket ta electronico”. E proceso a bira mas complica e ora ey. El a halami un banda, laga mi warda y pasa mi paspoort pa su hefe. Despues di warda tur pasahero di Laser y Copa Airlines pasa, mi a bai cerca e hefe y a puntr’e kico ta bai pasa y kico ta e decision. El a bisa mi cu mi admision pa drenta ta wordo nenga. Mi a pidi’e pa laga mi charge mi cel y bai na un lugar pa print mi reservation di hotel y cu Laser no ta bende one way ticket y ta electronico. El a bisa mi cu mi mester tin mi documento por escrito y no ta bai regl’e pafor, sino eynan”.
CONTROL TA SIGUI
Despues di un rato a bin trahador di aeropuerto pa puntra e famia pa number di paspoort y kico ta e motibo cu nan a wordo manda bek. A splic’e mesun cos. A pidi nan pa papia cu un trahador di Laser y e ora a bin un trahador di Laser y un guardia di seguridad pa cuida e famia te ora nan subi avion bek pa Aruba cu ta su manise of e diabierna mainta 9’or. E guardia a puntra mi e motibo y a bai busca un charger. Despues di un proceso, a keda cla cu e muestra cu reservacion tabata na ordo y nan tabata ok. Pero cos no a caba eynan.
REPRESAYA PA MALTRATO DI VENEZOLANO NA ARUBA
Despues di un rato un otro guardia a bin bisa e famia cu imigracion ta laga nan pasa, pero cu nan mester duna un propina. Mi a bisa cu no ta problema.» Mientras mi tabata papia cu e guardia ela confirma na mi cu esaki ta represaya contra e Arubianonan, pasobra e Venezolano ta wordo maltrata na Aruba” e persona Rubiano a sigui conta. “E ora mi a ser hiba na e oficina di imigracion y nan a bisa mi cu nan a wak cu mi tin funcion y si mi kier mi ta duna nan algo pasobra nan por haya problema. Nan a bisa mi cu mi mester tin mi papelnan y ta un orden di Caracas nan a haya pa haci esey. Mi a duna cada un di e trahadornan eynan algo y nan a laga mi bai”. Esey ta e situacion cu un famia Arubiano a pasa aden e siman aki ainda. No ta conoci si esaki ta pasa cu tur Arubiano, ni cu si ta na tur aeropuerto esaki ta tuma lugar. Ta notabel si cu ta confirma cu e motibo di e trato, ta ‘pasobra e Venezolano ta wordo maltrata na Aruba tambe!”.